Xosé Constenla presentou as súas novas cancións na Rede

Finalmente o músico compostelán Xosé Constenla presentou en Santiago, na Zapataría Bombarda, o seu novo traballo musical (o cuarto), titulado Virada por Avante. E fíxoo dun xeito que combinou un achegamento presencial aos seareiros cunha vertente puramente dixital. De feito, A luz entre o desorde, o primeiro tema extraido de Virada por Avante, púxose co gallo da interpretación nas principais plataformas de distribución musical en liña (iTunes, Spotify, Youtube, Amazon e Movistar) ao tempo que se retransmitía en directo a presentación en si mesma (streaming) a través da páxina web do músico e en diferido (para os que chegaron tarde) a través de Livestream.
Segundo nos conta Constenla, A luz entre o desorde é unha das composicións máis intimistas das que integran o seu novo álbum, “aínda que neste caso mestúrase a parte máis sentimental cun enfoque tamén de loita social”. O músico compostelá interpretou este tema en Bombarda Zapatería (Praza de San Agostiño, 3) nun acto “íntimo e breve” no que interpretou catro cancións máis. A presentación pode visualizar ao longo dun mes na devandita plataforma tecnolóxica. Ademais de Constenla, participou no acto o cantautor Roberto Sobrado, que interpretou un tema. Virada por Avante é o cuarto disco de Xosé Constenla e foi producido por Fredi Marugán e masterizado nos Staterooms Studios por Oscar Herrador