Novas medidas contra a piratería audiovisual en España

Unha sentenza do xulgado mercantil de Madrid sorprendeu ao dar a razón a Telefónica Audiovisual Digital nunha demanda interposta contra as operadoras de telecomunicacións e provedores de acceso á Internet para a identificación e o bloqueo dunha serie de páxinas web que facilitaban a piratería, de xeito que Telefónica, Vodafone, Orange, MásMóvil e outras operadoras deberán bloquear as páxinas denunciadas das que se facilitan URL, dominios ou enderezos IP no prazo máximo de 72 horas dende a notificación da sentenza.
A resolución xudicial inclúe unha listaxe con 44 páxinas web que deberán bloquear os operadores, así como comunicar a realización efectiva do bloqueo, sendo o elemento realmente rechamante da sentenza que a listaxe de recursos bloqueados a petición de Telefónica Audiovisual Digital poderá actualizarse semanalmente, aplicándose esta medida durante 3 tempadas deportivas, ou sexa, ata o 25 de maio de 2022.
Esta medida excepcional buscaría axilizar os bloqueos de páxinas web ilegais e frear os seus rápidos cambios de enderezo para evitar o seu bloqueo.