Movistar Fusión incrementa en 1 GB os datos móbiles dos seus clientes actuais

A tarifa Fusión Contigo pasa de contar 1 a 2 GB de datos en 4G

Os usuarios de Movistar Fusión recibiron por sorpresa a partires do pasado venres unha mellora da súa tarifa converxente, consistente no incremento do volume de datos incluído na súa tarifa móbil, que veuse incrementado en 1 GB sen custo adicional e sen ter que realizar ningún trámite para a súa aplicación, o que resulta bastante rechamante polo feito de que estas tarifas continúan sen cambios para novos clientes, polo que non queda claro de se estamos ante unha promoción de Nadal ou se é unha práctica para fidelizar aos usuarios actuais.
Por exemplo, os usuarios de Fusión Contigo 300 Mb, que tiñan 1 GB de datos 4G na súa tarifa poden gozar no novo ciclo de facturación de 2 GB de datos no móbil, mentres que os usuarios das tarifas Fusión+ con 2 GB de datos pasan a contar con 3 GB, sen ter que contratar un bono Extra Datos de 1 GB que estaría valorado en 10 euros/mes (polo que hai usuarios que consideran que este cambio compensaría a suba de prezos experimentada hai uns meses, facendo as tarifas de Movistar Fusión máis competitivas).
Pese a que estes cambios non foron publicitados por Movistar, os clientes actuais poden consultar en Mi Movistar o cambio das condicións da súa tarifa, tanto na descrición do seu contrato como ao comprobar o volume de datos dispoñible para o que resta de período de contratación.