Mañá ábrese o proceso que poderá dar lugar a un dominio de Internet galego
xoves, 12 de xaneiro do 2012
- Manuel González, presidente da Asociación PuntoGal, xunto a secretaria xeral de Modernización, Mar Pereira
ICANN, a corporación que goberna os nomes de dominio na
Internet, abre mañá o proceso de solicitude de novos dominios de primeiro nivel
por primeira vez dende 2004, permanecendo o prazo de presentación de
candidaturas aberto durante 3 meses, dentro dos que a Asociación PuntoGal, co
apoio da SecretarÃa Xeral de Modernización e Innovación Tecnolóxica da Xunta de
Galicia, remitirá a candidatura dun dominio para a lingua e a cultura galegas,
o .gal.
A Asociación PuntoGal está a
ultimar os informes imprescindibles para demostrar ante ICANN que o dominio
galego é viable tanto técnica como economicamente, contando tamén cun amplo
respaldo social, o que queda evidenciado polas 109 entidades que conforman a
Asociación (entre as que figuran as principais institucións culturais e
educativas da nosa comunidade) e os máis de 13.000 apoios individuais recibidos
a través da páxina
web do organismo que ten por fin que o .gal
sexa unha realidade.
Pero o .gal non conta só con apoios
dende Galicia, senón que máis de vinte asociacións de emigrantes en España,
Portugal, Francia, SuÃza, Alemaña, Bélxica, Arxentina, EE.UU., Uruguai e Brasil
tamén están a colaborar coa Asociación para conseguir un dominio de primeiro
nivel que, entre outras cousas, facilitará e axilizará a localización de
contidos en galego na Internet á vez que servirá de estandarte das nosas lingua
e cultura.
Cómpre destacar que é de agardar que a longo prazo a xestión dun dominio galego
acade o autofinanciamento, de xeito que os futuros beneficios desta actividade reverterÃan
na nosa comunidade, posiblemente a través de axudas ao fomento do galego nas
novas tecnoloxÃas, na liña do que están a facer dende a Fundació Puntcat en
Cataluña, onde superaron os 51.000 dominios rexistrados en 5 anos.
- CronoloxÃa do proceso de avaliación de novos dominios de Internet de primeiro nivel