Instagram mellora a súa versión web

Unha das plataformas sociais que máis forza colleu nos últimos meses, Instagram, está a incorporar novidades moi interesantes, como o abandono da orde cronolóxica (empregando algoritmos para dar prioridade aos contidos que son do gusto do usuario, o que podería ter un grande impacto na presenza das marcas como xa aconteceu no seu día en Facebook) e a mellora da súa versión web, que ata o momento limitábase a pouco máis que facilitar o acceso aos contidos publicados no móbil dende o ordenador, e que agora abre tamén o acceso á pestana de actividade, de xeito que dende a web podemos ver facilmente se alguén nos segue, nos etiqueta, comenta ou marca que lle gustan os nosos contidos, facendo que, agás para publicar imaxes e vídeos, podamos prescindir do uso do móbil para moitas interaccións.
Dá a impresión de que con esta medida Instagram quere ampliar a súa presenza, reforzando así a súa posición actual de liderado á hora de compartir fotografías a través da Internet, e favorecendo a interacción dos seus usuarios cando están a acceder á Rede dende un ordenador.