INEO organiza o día 18 unha xornada de traballo na procura dunha maior internacionalización das nosas empresas

A biblioteca do Museo Pedagóxico de Galicia (MUPEGA), emprazado en Santiago, vai acoller o vindeiro día 18 unha nova xornada da asociación INEO, desta volta centrada en O financiamento no comercio exterior. O obxectivo é buscar metodoloxías innovadoras para reactivar un proceso que, coa crise produtiva, chegou a un certo estancamento: o proceso de internacionalización das firmas do sector TIC en busca de maior competitividade e novos mercados. Porén, sinálase dende a asociación INEO, a internacionalización “é hoxe en día, para moitas empresas, un modo de sortear a crise ou, polo menos, de aturala de mellor modo”.
Entre outras cousas, na xornada do vindeiro día 18 tratarase de responder ás seguintes preguntas: Como nos financiamos no actual contexto económico? Con que dificultades podemos atoparnos á hora de internacionalizarnos? Como podemos abordar con garantías esas dificultades?
A asistencia ao evento é aberta, gratuíta para os socios de INEO e clientes de CESCE, e ten un custo de 40 euros + IVE para o non asociados.
A inscrición debe formalizarse enviando un correo a administracion@ineo.org ou chamando ao 986 112 570.