Gmail permite amosar a nosa localización xeográfica na sinatura dos nosos e-mails

Dentro das moitas prestacións que van incorporando en Gmail a xeito de proba podemos agora activar a opción de que na sinatura dos nosos correos electrónicos reflicta a nosa posición xeográfica valéndose das funcións de xeolocalización que permite Google Gears (para o que se pode valer tanto de GPS como das antenas Wi-Fi a través das que nos conectemos á Rede ou o noso enderezo IP, o que non sempre resulta preciso).
Para poder acceder a tal opción é preciso configurar o servizo de correo electrónico de Google en inglés, pero logo funciona perfectamente noutras linguas, aínda que a utilidade desta funcionalidade resulta un tanto discutible.