Brasil estrea o envío de cartos e os pagamentos dentro de WhatsApp

WhatsApp ten integrado sistemas de pagamentos en mercados como o da India, pero agora inician un novo camiño estreando un sistema de pagamentos no Brasil, de xeito que os brasileiros poden enviar cartos de xeito seguro ou realiza compras en comercios locais sen abandonar o chat.
Dende WhatsApp son conscientes de que os pequenos negocios poden empregar a súa plataforma para comunicarse cos seus clientes e incluso para presentar o seu catálogo de produtos, e coa nova solución será posible tamén pagar por produtos, o que fai máis accesible o comercio electrónico.
Tamén permiten enviar cartos a outros particulares, dun xeito case tan sinxelo como o envío dunha mensaxe. Estes pagamentos están asociados a Facebook Pay, de xeito que no futuro estarían moi integrados na familia de aplicacións de Facebook.
Para o envío de cartos e a realización de pagamentos dende WhatsApp será preciso que o usuario introduza un PIN de 6 díxitos ou que use a súa impresión dixital, procurando así evitar as transacción non autorizadas.
Aínda que non se desvelou a planificación ao respecto, confíase en que os pagamentos dentro de WhatsApp cheguen a todo o mundo nos vindeiros meses.