AJE Galicia organiza en Pontevedra un foro para fomentar a innovación galego-lusa
martes, 11 de xuño do 2013
A
Federación de Xoves Empresarios de Galicia (FEGAXE-AJE
Galicia) en colaboración coa Dirección Xeral de Xuventude da Xunta
de Galicia organiza un
foro de emprendemento galego-portugués o vindeiro
martes 11 de xuño en Pontevedra.
O obxectivo
deste
encontro é impulsar as relacións entre os empresarios de ámbalas
beiras da fronteiras, amais de achegar oportunidades de colaboración.
Segundo sinalan os organizadores, existe un potencial de
desenvolvemento conxunto que cómpre aproveitar, e máis tendo en
conta as moitas cousas que nos unen (comezando
pola lingua)
cos nosos irmáns os portugueses, “cos
que compartimos unhas raizames e unha visión do mundo semellantes”,
engaden. Neste contexto de busca de intercambio de coñecemento
abrolla o foro Abrindo
Fronteiras de Cambio,
a celebrar no Hotel Galicia Palace de Pontevedra.
Entre
os relatores
da xornanda
estarán
recoñecidos profesionais da
innovación e a I+D empresarial
como por
exemplo Pablo
López Gutiérrez,
CEO de Thinking Business, Gustavo
Marcos,
ex xerente de Uninova, Avelino
Pinto,
business angel portugués, Pelayo
Novoa, promotor
de Invierta e
RedInvest ou Ricardo
Luz,
presidente da rede de
investimento
Invicta Angels Portugal, que falará das posibilidades de financiar
proxectos empresariais galego-portugueses.
Contarase tamén con
representantes de entidades como o Consorcio da Zona Franca de Vigo,
a Cámara Hispano Portuguesa, ou a Asociación Empresarial de
Portugal (AEP). A xornada rematará con tres experiencias únicas de
emprendemento e éxito galegas e portuguesas contadas polos seus
protagonistas. O
público ao
que se dirixe o foro é
un público de espírito emprendedor,
empresarios
ou investigadores que queiran
ampliar o seu eido
de traballo alén
do Miño (cara ao norte ou cara ao sur), buscar
novas oportunidades e medrar. Os interesados en inscribirse neste
foro poden facelo sen custe
algún enviando un
correo a gerencia@fegaxe.com.