Telefónica desplegará en Compostela a rede móbil LTE

Santiago de Compostela converterase nunha das primeiras cidades de España (tras Madrid e Barcelona) en contar cunha rede móbil de última xeración LTE, atendendo ao compromiso adquirido pola compañía coa Xunta de Galicia dentro das actuacións do Plan de Banda Larga co que está a achegarse a Internet ao noso rural e que pretende beneficial a 250.000 persoas de 11.300 pequenos núcleos de poboación.
Esta nova infraestrutura despregarase ao longo de 2012 e posibilitará velocidades de descarga de ata 100 Mbps, permitindo aos usuarios da capital galega o acceso á vangarda da conectividade de datos en mobilidade, o que pode abrir oportunidades para o sector TIC galego, xa que poderán probarse en primicia novos servizos, produtos e dispositivos desenvolvidos para redes LTE.