SanDisk presenta unidades pSSD pensando nos ordenadores ultraportátiles

Pensando na nova vaga de ordenadores ultraportátiles SanDisk presentou no Computex de Taipei un novo tipo de discos de memoria sólida para conexións ATA en paralelo que se coñecerán coma pSSD e chegan nun principio en capacidades de 4, 8 e 16 Gb. Estas novas unidades teñen unha velocidade de lectura de 39 Mb/seg. e de escritura de 17 Mb/seg.
As unidades pSSD empregan memoria Flash MLC e SLC e pretenden chegar ao mercado en agosto, sendo un sistema de almacenamento que non valería só para ultraportátiles, senón que incluso se podería incorporar a móbiles de altas prestacións e MID.
Este tipo de discos parecen destinados a trunfar, e aínda que en 2007 se limitaron a 635.000 unidades, a consultora Gartner estima que os discos SSD de baixo custo superen os 33 millóns de unidades en 2012.