Jetpack facilita a creación de extensións para o Firefox
xoves, 21 de maio do 2009
Os laboratorios de Mozilla
continúan a traballar para que o Firefox poida dar máis de si, e a súa última
creación é Jetpack, un engadido
para o navegador que abre a porta a un novo xeito de escribir pequenas
extensións para Firefox facendo uso de código Javascript dun xeito semellante
ao que xa facÃa Greasemonkey (para cousas coma traducir
automaticamente páxinas web ao galego) pero sen limitarse só a modificar o
comportamento dunha única páxina web, e aplicándose a todo o navegador grazas a
unha completa API.
Deste xeito, Jetpack permite facer extensións para o Firefox sen ter grandes
coñecementos de programación e incluso sen precisar reiniciar o navegador para
utilizalas tras a súa instalación. Esta nova solución aÃnda está arrincando, e dende
Mozilla chaman á participación dos desenvolvedores para tirar proveito
dela. Entendemos que cando madure o suficiente este proxecto, rematará
integrándose totalmente no Firefox coma unha caracterÃstica máis, podendo
converterse no método preferido para a creación de extensións para o navegador
de Mozilla.
VÃdeo de presentación das posibilidades de Jetpack