O espazo colaborativo A Proa, situado no parque empresarial Novo Milladoiro (Ames), programou para o mes de febreiro novas actividades de aprendizaxe co obxectivo de formar a autónomos e empresas e crear un ambiente de networking no que os/as emprendedores/as poidan establecer sinerxías e estreitar relacións sectoriais. Ademais, o espazo acollerá a gravación dun podcast. A inscrición para todas as actividades é libre e gratuíta. As inscricións poden facerse na páxina web de A Proa.

Co gallo do Día Internacional da Muller e a Nena na Ciencia, este 11 de febreiro, a Universidade da Coruña (UDC) mobilizará talento investigador para “inspirar novas vocacións e visibilizar o liderado das científicas en diferentes ámbitos da investigación”. Así, desde a institución académica, están programadas ao longo deste mes de febreiro diferentes actividades que van desde concursos, obradoiros e conferencias e que se impartirán en diferentes sedes.

O ITG, o Instituto Tecnolóxico de Galicia, impulsou o lanzamento oficial da Rede de Excelencia Cervera R5DES, unha iniciativa estratéxica orientada a abordar os grandes retos do sistema enerxético do futuro.

O Colexio Profesional de Enxeñaría en Informática de Galicia (CPEIG) súmase ás actividades do Día de Internet Segura (este martes, 10 de febreiro), que este ano céntranse en educar con seguridade dixital por medio do fomento do “uso seguro, responsábel e crítico da intelixencia artificial”.

A comunidade dixital Orgullo Galego celebra nestes 2026 as súas V Xornadas Online sobre o Entroido de Galiza. Estas xornadas en liña son emitidas nas canles de YouTube, Ivoox e Spotify.

O Centro de Investigación en Tecnoloxías da Información e a Comunicación (CITIC) da Universidade da Coruña (UDC) participou recentemente na terceira reunión internacional do proxecto Erasmus EDIGIT (European Dixital Inclusive Guide for Innovative Teaching), a versión europea do programa Talentos Inclusivos do centro coruñés.

Galiciencia, a maior feira científica da nosa comunidade impulsa polo Parque Tecnolóxico de Galicia (Tecnópole) e cuxa nova edición celebrarase os días 13, 14 e 15 de maio (en colaboración coa Consellería de Economía e Industria), vén de convocar o concurso de deseño da camiseta oficial da feira.

O pasado venres 6 de febreiro a Universidade da Coruña e o Ministerio de Xuventude e Infancia asinaron un convenio para promover o desenvolvemento cultural, científico e tecnolóxico na infancia, adolescencia e xuventude, con especial atención á inclusión social e ao fomento das vocacións STEM (siglas en inglés de Ciencia, Tecnoloxía, Enxeñaría e Matemática).

A Plataforma Tecnolóxica Sanidade Mediaverso, promovida pola Consellería de Sanidade para fomentar hábitos de vida saudables, vén de recibir un premio estatal de investigación polo seu impacto positivo no benestar emocional.

A novena edición dos Premios Youtubeiras+ coroou este venres en Ferrol ás canles e creadoras máis destacadas da creación de contidos en galego na Internet, nunha gala celebrada no Teatro Jofre que serviu tamén para reivindicar o papel das redes sociais como espazo clave para a normalización lingüística.

David Lago, do IES Pedro Floriani de Redondela, e Nicolás Freiría, do IES Ribeira de Louro do Porriño, proclamáronse gañadores da Olimpíada Informática Galega 2026, celebrada na Facultade de Informática da Universidade da Coruña. Ambos estudantes representarán a Galicia na fase estatal da XXX Olimpíada Informática Española, que terá lugar do 10 ao 12 de abril na Escola de Enxeñaría Informática da Universidade de Valladolid.

Este sábado, 7 de febreiro, coincidindo co Día dos Medios en Galego (efeméride que conmemora o día, hai 150 anos, en que apareceu o primeiro número de O Tío Marcos d’a Portela, cabeceira pioneira dos medios en galego) o Consello da Cultura Galega (CCG) presentou a faciana remodelada de Culturagalega.gal, o seu portal de divulgación cultural. Estamos ante un redeseño visual e novas funcionalidades para o portal cultural máis lonxevo en lingua galega, que conta a día de hoxe con 36.000 noticias, segundo lembra o CCG.

A Comisión Europea concluíu de maneira preliminar que TikTok incumpre a Lei de Servizos Dixitais (DSA) debido ao deseño adictivo da súa plataforma, ao considerar que non avaliou nin mitigou de forma axeitada os riscos que determinadas funcións supoñen para o benestar físico e mental dos usuarios, especialmente menores e adultos vulnerables.

Kris Marszalek, cofundador e conselleiro delegado da plataforma de negociación de criptomoedas e accións Crypto.com, comprou o dominio AI.com por 70 millóns de dólares, cifra que supón o prezo máis alto publicamente divulgado por un nome de dominio ata a data.

Spotify vén de presentar About the Song, unha nova funcionalidade en fase beta deseñada para ofrecer aos oíntes máis contexto e información sobre as cancións que escoitan. A proposta busca achegar historias, significados e detalles do proceso creativo directamente á experiencia de reprodución musical, o que pode lembrar ao vello programa Pop Up Video da canle musical VH1, no que ofrecían pílulas informativas complementando vídeos musicais.

O Teatro Jofre de Ferrol acolle este sábado 7 de febreiro, ás 19.00 horas, a gala de entrega da novena edición dos Premios Youtubeiras+, certame organizado polos servizos de normalización lingüística dos concellos de Ames, Carballo, Ferrol, Moaña, Narón, Oleiros, Pontevedra, Rois, Santiago de Compostela e Teo; das universidades de Santiago, A Coruña e Vigo; e mais da Deputación da Coruña.

O Auditorio de Rianxo acolle do 24 de febreiro ao 11 de marzo un curso formativo sobre intelixencia artificial ao servizo de toda a veciñanza de todas as idades. A actividade formativa desenvolverase de martes a venres, entre as 17:00 e as 20:00 horas. Desenvolverase no Centro Sociocultural Auditorio de Rianxo baixo o epígrafe Destrezas dixitais: subindo ao tren da IA.

O secretario xeral da Lingua, Valentín García, e o director xeral de Centros e Recursos Humanos, Jesús Álvarez, participaron esta mañá no peche da nova edición do programa de inmersión lingüística 21 días co Galego e +. Fixérono no colexio teense dos Tilos, onde se puxo fin á oitava edición desta iniciativa impulsada pola Secretaría Xeral na que participaron 10 centros educativos de maneira voluntaria.

A Concellería de Novas Tecnoloxías de Redondela facía entrega o pasado 4 de febreiro dos diplomas aos participantes nos últimos cursos de alfabetización dixital.

A Sede Afundación A Coruña acollerá o vindeiro 26 de febreiro de 2026 a conferencia IA e Saúde Mental: Aliada ou ameaza para a adolescencia?, a cargo do psicólogo e investigador catalán Pere Castellvi Obiols. A cita enmárcase no ciclo Educación S. XXI e propón unha reflexión actual sobre o papel da intelixencia artificial como ferramenta de apoio á saúde mental na mocidade.