Unha web permite achegar os vídeos de YouTube ó móbil

Se ben un programador independente xa fixera unha interface para descargar os vídeos de Google Video no móbil, e YouTube anunciou que contará con versión móbil para 2007, resulta curioso que a historia se repita e unha web allea a YouTube permite o acceso ós seus contidos dende o móbil.
TinyTube funciona dende o navegador de moitos móbiles e permite achegar os contidos de YouTube en versións optimizadas para unha carga lixeira e un baixo consumo de recursos. Ábrese así unha nova canle de vídeo para móbiles que terá que enfrontarse coas aínda caras tarifas de datos das operadoras de telefonía.