Telecinco asegura que Telefónica vai vender o iPad en España

Onte Apple anunciou o lanzamento o seu iPad para dentro dun par de meses, referíndose ao modelo con Wi-Fi, mentres que a versión máis avanzada, que tamén inclúe conectividade 3G, e que contará tarifas de datos móbiles especiais (cando menos nos EE.UU.) tardará un pouco máis en chegar, de xeito que ata primeiros do verán non o veriamos por Europa, asegurando dende os servizos informativos de Telecinco que será Telefónica a compañía que traia o trebello a España, aínda que segundo parece aínda están en negociacións con Apple, aínda que «en calquera momento» poderían anunciar o acordo entre as compañías para vender o iPad no territorio español.
De todos os xeitos, a información de Telecinco non parece moi fiable, pois entre outras cousas falan dunha comercialización en exclusiva, cando estamos a falar dun trebello que venderase libre (ou iso asegurou onte Steve Jobs), polo que non ten moito sentido que unha operadora vaia subvencionar o terminal, aínda que si parece lóxico que sigan unha política semellante á estadounidense, ofrecendo unhas tarifas de datos a través de 3G máis económicos que as destinadas a equipos informáticos.