Sixto Arias participará esta tarde en Iniciador Galicia

O Club Financeiro de Vigo, sito na Avda. De García Barbón, 62, acollerá esta tarde ás 19:00 horas un novo encontro organizado por Iniciador Galicia que centrarase nun relatorio de Sixto Arias, emprendedor galego do sector tecnolóxico que participou na creación de 7 empresas que desenvolveron actividades en países como Suecia, Alemaña, China, Francia, Portugal e Marrocos, compartindo así a súa experiencia cos asistentes, que poderán inscribirse previamente no evento a través de Facebook ou por correo electrónico.
Arias é co fundador de Movilisto e responsable do seu espallamento internacional, de Result Ventures, e na actualidade ocupa o posto de director xeral en Mobiext. Tamén imparte clases nos masters do CEU, ESIC, Universidade Complutense e outras escolas de negocios. Entre os temas que abordará neste encontro para emprendedores tecnolóxicos galegos estará a paulatina perda de peso que os ordenadores teñen na Internet.