Punto de acceso Wi-Fi que se conecta á Rede mediante móbiles 3G

Para os usuarios móbiles que precisen de acceso á Internet Cradlepoint comercializa o seu PHS300, que é un pequeno dispositivo que funciona coma punto de acceso Wi-Fi e que se conecta á Rede valéndose dun móbil 3G con conectividade USB (ou directamente cun modem USB). Deste xeito se pode compartir a conexións dun móbil entre varios ordenadores con Wi-Fi.
O Cradlepoint PHS300 está probado con distintos modelos de móbil, e conta cunha batería para non mercar a autonomía do móbil empregado para conectarse á Internet. Só mide 122 x 73 x 18,5 milímetros e 113 gramos de peso que se vende por 179 dólares (113,48 euros), ou sexa, un prezo moi semellante ó dun router 3G doméstico, pero coa vantaxe de que se trata dun trebello de alta portabilidade, que pode sacar dun apuro en caso de emerxencia, en traballos de campo ou mesmo de vacacións.