Os Xogos Olímpicos poderanse seguir en alta definición

Luis Fernández durante a rolda de prensa na que anuncian a programación especial dos Xogos

A Corporación Radio Televisón Española anunciou nunha rolda de prensa que vai mobilizar a un equipo de 200 profesionais para dar unha excelente cobertura dos XXIX Xogos Olímpicos que se celebrarán en Pequín entre os días 8 e 24 de agosto, emitíndose a meirande parte dos contidos a través de La 2, aínda que La 1, Teledeporte, rtve.es e Radio Nacional tamén apoiarán as retransmisións.
A innovación de TVE este ano estará na emisión dos Xogos en alta definición a través de TDT, así como na emisión a través da Internet e do móbil a través do portal web do ente.
O presidente da Corporación, Luis Fernández, declarou que «gañar medallas depende dos deportistas; realizar a mellor retransmisión depende dos profesionais de RTVE, o orgullo desta casa».