O Centro On amosará as curtas premiadas en Mundos Dixitais 06

O Centro On de Caixa Galicia sito no Cantón Pequeno nº 9 de A Coruña exhibirá as curtametraxes gañadoras do Festival Internacional de Curtametraxes de Animación Mundos Dixitais 06, incluíndo as pezas: Caballos de tiza (de Daniel Cánovas, elixida coma mellor curta estatal), 458NM (mellor curta internacional) e 90º (premio especial do xurado).
As curtametraxes exhibiranse ininterrompidamente nas pantallas de plasma da Sala Imaxinarte do 21 ó 24 de novembro de 9 da mañá a 8 da tarde, podéndose ver tamén as obras ás 19:00 horas no Auditorio do centro.