LG presenta un portátil delgado e lixeiro que non prescinde da súa unidade óptica

Os ordenadores portátiles continúan a facerse máis delgados e lixeiros, de xeito que Ultrabook está a converterse en sinónimo de portátil, para o que moitos dispositivos tiñan que prescindir da súa unidade óptica para poder alixeirar o seu peso e reducir o seu grosor, pero LG co seu novo U560 parece ser quen de ir pola vía do medio, e integra pantalla IPS de 15,6 polgadas e unidade óptica, mantendo o seu peso en 1,95 quilos e o seu grosor en 2,09 centímetros. Este portátil funciona cun procesador Intel Core i5, ten gráfica dedicada nVIDIA GeForce e inclúe tanto disco duro como unidade SSD, polo que estariamos nun equipo moi completo, ao que pode perdoárselle o seu peso, que consegue un equilibro entre potencia e portabilidade. O mes de marzo chegará ao mercado surcoreano, descoñecéndose polo momento o seu prezo e a data á que chegará ao resto do mundo.