Fernando García, novo director de Industria de Microsoft Ibérica
venres, 14 de novembro do 2008
Fernando García, o ata o de agora
director de Vendas de Solucións de Plataforma de Aplicacións de Microsoft, vén de ser nomeado novo director
de Industria de Microsoft Ibérica, asumindo as funcións de coordinación da
actividade que a compañía desenvolve de xeito activo co sector industrial do
noso país.
O directivo únese así ao equipo de
profesionais da filial que forman a Divisón de Grandes Organizacións e Partners
de Microsoft Ibérica, liderada por Alberto Granados.
Os responsables deste ascenso aseguran
que o seu amplo coñecemento da compañía e a súa dilatada experiencia TIC de
máis de 25 anos, “convérteno no
profesional ideal para desempeñar este cargo”.
García afronta esta nova posición logo
de ter desempeñado diversos postos dentro de Microsoft Ibérica ao longo de case
unha década.. Nos últimos tres anos, desenvolveu as funcións de director de
Vendas de Solucións de Plataforma de Aplicacións da filial, exercendo perante a
propia compañía unha “excelente labor”
e responsabilizándose das vendas multisectorial de solucións do redor de
sistemas de misión crítica, plataformas de soporte á decisión e ferramentas de
desenvolvemento. Previamente o directivo ocupaba o cargo de especialista de
Solucións da Plataforma de Aplicacións, onde puido participar activamente en
proxectos emblemáticos de envergadura mundial.
Anteriormente, este madrileño formou
parte de varias compañías de diversos sectores empresariais como o Banco Árabe
Español, onde levaba o control de riscos e a contabilidade analítica, e incluso
emprendeu a súa andaina en solitario formando a súa propia compañía, Vitual
Desk, S.L., dedicada ao desenvolvemento e comercialización de solucións de software.
Fernando García cursou estudos
Empresariais pola Universidade Complutense de Madrid e completou a súa
formación con cursos de especialización relacionados coa Informática e as Novas
Tecnoloxías.