Energy Sistem estrea uns auriculares sen fíos con NFC

Aínda que a tecnoloxía NFC non está a empregarse para tantas cousas como nos gustaría, existen usos moi claros da mesma, como a sincronización de dispositivos sen fíos, e dentro desta liña Energy Sistem incorpora ao seu catálogo os auriculares estéreo Blueooth Energy Wireless BT7 NFC, que véndense en cor negra ou branca a un prezo de 69,90 euros e que grazas á conectividade Bluetooth 4.0 pode reproducir sen fíos son limpo e claro con calidade de CD (trazas á súa tecnoloxía apt.X).
Para poder emparellar estes auriculares cun smartphone ou tablet con NFC chegaría con por en contacto ambos dispositivos, o que resulta moi cómodo, pero os auriculares tamén poden empregarse con outras fontes de audio (non esquece unha entrada de mini jack estéreo) e para cargar a súa batería interna (de 400 mAh, o que supón unha autonomía de ata 12 horas de reprodución continua) podemos empregar calquera porto USB.
Os auriculares véndense cos cables USB e de audio e un estoxo de transporte. Tamén integran micrófono con cancelación de ruído, polo que pode empregarse para atender chamadas telefónicas que recibamos mentres estamos a escoitar música ou outros contidos multimedia.