Comeza a formación online de En Lugo Si, a campaña da Deputación para impulsar o comercio na desescalada
luns, 1 de xuño do 2020
A
Deputación de Lugo lanzou os días pasados unha campaña para
reactivar o consumo no comercio local, a hostalería e o turismo a
nivel provincial: a campaña En Lugo, Si, unha iniciativa
innovadora destinada a garantir unha volta á normalidade segura,
equilibrada, eficaz, revitalizadora e estábel ante a crise da
COVID-19. Este
luns a Deputación abriu o o prazo de inscrición no programa
formativo para negocios e profesionais do comercio, a hostalería e o
turismo que organiza a institución dentro da campaña. Esta
iniciativa formativa, a primeira das actividades de En Lugo, Si,
realizarase en liña a través de Internet a partir do día 15 de
xuño.
A
iniciativa está pensada para apoiar ás empresas e traballadores na
aplicación de medidas de prevención e hixiénico sanitarias,
garantindo a comodidade e o benestar do cliente. As inscricións
deben formalizarse ata as 23:59 horas do día 14 de xuño na
páxina web de Noa Innova. As prazas daranse en rigorosa orde de
inscrición, polo que se aconsella cumprimentar a documentación nos
primeiros días para non quedar sen praza.
O
plan formativo, de 20 horas de duración, conta con 300 prazas e está
dirixido aos negocios dos concellos da provincia de menos de 20.000
habitantes, en tanto que o Concello de Lugo xa ten o seu propio
programa.
A
Deputación entregará un diploma que acreditará que os negocios
participantes realizaron esta formación e son, polo tanto,
“establecementos seguros”. As persoas que se inscriban deben
cumprimentar unha ficha cos seus datos persoais e con datos que
acrediten que pertencen á empresa na que traballan.