A galega Optare Solutions participa no proxecto europeo BATS
luns, 10 de decembro do 2012
- As instalacións de Optare no Parque Tecnolóxico de Vigo
A firma galega Optare
Solutions participa no proxecto
de investigación BATS (Broadband Access via Integrated
Terrestrial & Satellite Systems), iniciativa europea da
que falamos recentemente en Código Cero e que se dirixe a
suprimir as diferenzas entre as zonas urbanas e rurais (fenda
dixital) á hora de cumprir cos obxectivos da Axenda Dixital de
subministrar a todos os habitantes da Unión Europea unha velocidade
de acceso mÃnimo a internet de 30 Mb/s. O programa BATS é tamén un
consorcio do que tamén forman parte centros de I+D e empresas de
toda a contorna europea, entre os que se contan, amais de Optare, o
centro vigués Gradiant, o operador R, Avanti Communications, o
Centro Aeroespacial Alemán (DLR), Thales Alenia Space ou o
InstitutoFraunhofer. Sinalar que o eido xeográfico elixido para as
probas de campo é o eido galego e máis o alemán.
O proxecto, como dixemos o outro dia,
céntrase na integración de servizos de banda larga terrestres e por
satélite para que a experiencia de usuario poida ser moito mellor
que a que se consegue na actualidade, especialmente naquelas zonas
con difÃcil cobertura.
A firma Optare, emprazada no Parque
Tecnolóxico de Vigo, é responsábel, entre outras cousas, da
comunidade Natural Born Telco, unha iniciativa dirixida a
favorecer o contacto e a colaboración entre persoas interesadas en
traballar no sector das TIC e das Telecomunicacións e coidar a
relación con elas, pondo a primeira pedra do que será un colectivo
de seareiros do mundo das operadoras.
Lembrar que Optare ten unha ampla experiencia en servizos de
enxeñarÃa de telecomunicacións, tecnoloxÃas do coñecemento e
novas canles de traballo (como a devandita Natural Born Telco).