A firma Corsair constrúe a primeira memoria USB con cadeado

Ó igual cós cadeados que en troques de ter una chave teñen un sistema de combinación numérica para a súa apertura, a firma Corsair logrou dar cunha combinación de cadeado e de lapis USB coa construción do Flash Padlock, un lapis que nos permite ter a nosa información segura e inaccesible a calquera que non saiba a combinación numérica que permite que Windows acceda a información contida no mesmo.

O sistema de emprego é simple, e déixanos marxe para asignar un contrasinal á nosa unidade de datos, que terá que ser dixitalizada nas teclas que a unidade ten na súa face superior cada vez que queiramos acceder á información contida nela. Segundo os fabricantes, non será posible acceder á unidade doutro xeito –nin por hackers-, polo cal ofrecen na súa web un sistema de rexistro e posterior recuperación de PIN.

O Padlock pódese adquirir en dous formatos de un ou dous xigas de capacidade, e os prezos previstos para estes trebellos roldarían os 23 e 30 euros, respectivamente.