A CEP acollerá 3 seminarios para o fomento da cultura innovadora

A Fundación Innovapyme Galicia organiza un programa de seminarios Fomento da Cultura Innovadora 2011 para dinamizar a I+D+i nas empresas galegas na sede da Confederación de Empresarios de Pontevedra (CEP).
O primeiro destes seminarios terá lugar o vindeiro 22 de novembro baixo o título de Cofinanciamento a través do CDTI e pretende dar a coñecer as axudas ofrecidas polo Centro para o Desenvolvemento Tecnolóxico Industrial para a realización de actividades de I+D+i dentro do territorio nacional e para iso contará cos relatores Alberto Bermejo Urieta, da Dirección de Mercados Innovadores Globais do CDTI e Alberto Álvarez Quiroga, xefe de proxecto da Área de Innovación de Serviguide.
O seu programa será o seguinte:

· 19:00 Presentación institucional
D. Medardo Arias Prieto, secretario xeral da CEP
· 19:15 Características das axudas do CDTI
D. Alberto Álvarez Quiroga, xefe de proxecto da Área de Innovación de SERVIGUIDE
· 19:45 FEDER-INNTERCONECTA-GALICIA
D. Alberto Bermejo Urieta. Dirección Mercados Innovadores Globais CDTI
· 20:10 Consellos para presentar propostas de I+D+i ao CDTI.
D. Alberto Bermejo Urieta. Dirección Mercados Innovadores Globais CDTI
· 20:40 Rogos e preguntas.

No segundo seminario, titulado Máis alá das subvencións, previsto para o 29 de novembro, daranse a coñecer outras alternativas ás tradicionais axudas públicas, como son as deducións fiscais, as bonificacións na cota empresarial da Seguridade Social e a redución nos ingresos fiscais, a cargo dos expertos Francisco José Díaz Lombardero, xefe de Equipo Rexional de Inspección, Delegación da Axencia Estatal de Administración Tributaria (AEAT) en Vigo e Alberto Álvarez Quiroga, xefe de proxecto da Área de Innovación de Serviguide.
Poñendo orde na innovación é o terceiro dos seminarios organizados pola Fundación Innovapyme, que terá lugar o 13 de decembro, no que Emilio Martínez Expósito, xefe de proxecto da Área de Innovación de Serviguide falará sobre sistemas: creatividade, ideas, proxectos e valorización e contaremos coa experiencia innovadora da empresa Blusens, representada por Águeda Rey Martínez, Project Manager de Blusens.