Warner Bros Games oferta varios dos seus xogos para achegar fondos ao Corno de África
martes, 5 de novembro do 2013
- Os dous primeiros xogos de Batman: Arkham forman parte do novo Humble Bundle
A poucos días do lanzamento de Batman: Arkham Origins dende The
Humble Bundle sorpréndennos ofrecendo un novo lote de xogos de Warner Bros
Games valorado en 125 dólares e que pode conseguirse parcialmente por a partir
de 1 dólar e completo pagando uns 3,45 euros, elixindo o usuario a cantidade
total a pagar e o seu reparto entre os desenvolvedores, os organizadores da
campaña e unha entidade benéfica (que desta volta é o proxecto We Can Be Heroes, que
canaliza as axudas a varias entidades de cooperación no Corno de África).
Estamos ante un dos lotes incluídos nesta iniciativa máis atractivos,
principalmente por incluír as dúas entregas da franquía Batman: Arkham desenvolvidas por Rocksteady Studios, que constrúe
un arco argumental completo e sólido que valeu unha moi boa aceptación por
parte da crítica e do público (e que Warner Bros Games está a completar
mediante precuelas); tamén podemos destacar a incorporación do xogo Scribblenauts Unlimited, que achega
numerosos retos e quebracabezas que poderemos resolver de xeito imaxinativo; e os
terroríficos xogos de acción en primeira persoa F.E.A.R. 2: Project Origin e F.E.A.R.
3 tamén son unha incorporación interesante a esta oferta que completa The Lord of the Rings: War in the North,
un xogo de rol de acción cooperativo do que gustarán s seareiros das historia
de Tolkien na Terra Media.
Vídeo no que amosan os xogos incluídos neste último Humble Bundle