Tomb Raider: Underworld estrea demo exclusiva para Xbox 360

Os usuarios da consola Xbox 360 que gocen dunha conta Xbox LIVE Gold poden descargar dende hoxe unha demo xogable de Tomb Raider: Underworld, polo que serán dos primeiros en poder controlar a nova recreación de Lara Croft, que presenta un acabado gráfico espectacularmente superior ao de entregas anteriores da saga da versión feminina de Indiana Jones.
Tomb Raider: Underworld ten como obxectivo a localización de Mjölnir, o martelo do deus nórdico do trono Thor, para o que hai que percorrer distintas localizacións de todo o mundo, situándonos a demo do xogo en Tailandia, onde poderemos explorar unhas ruínas accedendo ás mesmas dende a auga, de xeito que no camiño teremos que enfrontarnos a quenllas, tigres, morcegos e outras animalias. Tamén haberá que resolver puzzles, realizar peripecias acrobáticas para chegar a recunchos difíciles á vez que nos facemos cos controis do xogo de cara á súa versión final que chegará ás tendas o 21 de novembro.