Threads medra en descargas mentres X/Twitter afúndese

Cada día resulta máis evidente que das plataformas que naceron coa vocación de coller a remuda de Twitter a única con posibilidades reais de conseguir unha escala comparable é Threads, e así o ratifican os datos de Appfigures, consultora que asegura que a nivel mundial no mes de decembro Threads conseguiu coarse como a 6ª aplicación máis descargada con 28 millóns de novas descargas, confirmando que está lonxe de eclipsarse, mentres que X/Twitter tería caído até a posición 36 con 9 millóns de novas descargas.
Aparte da confirmación de que X/Twitter, pese a ter aínda unha base de usuarios moi ampla, está en decadencia, resulta bastante curioso comprobar a situación de que Instagram conseguiu recuperar a posición líder en novas descargas con 54 millóns, superando os 47 millóns de TikTok.
Se ben é habitual que dende Instagram saiban reaccionar aos movementos do público para manterse en primeira liña, dá a impresión de que os últimos movementos de TikTok non agradaron, xa que nalgúns mercados insistiron moito na súa face de comercio electrónico, o que non resultou do agrado de moitos seareiros.
De calquera xeito, o que no pode dubidarse é que ás 6 aplicacións líderes en novas descargas dende dispositivos móbiles son de dúas únicas empresas (Meta e ByteDance), o que resulta bastante preocupante, xa que a situación pode levar a prácticas que atenten á competencia.