SmartPEME brinda ás empresas e persoas autónomas tres novos obradoiros TIC
martes, 8 de xuño do 2021
A
Deputación
de Pontevedra, a través do seu programa de capacitación tecnolóxica
SmartPEME, oferta esta segunda semana de xuño tres novas accións
formativas impartidas de xeito en liña, da carteira de
obradoiros que se imparten de forma telemática ao servizo de
pequenas e medianas empresas, profesionais e persoas autónomas. As
accións dan continuidade ás de semanas anteriores, e versan sobre
como mellorar a produtividade con Trello e outras aplicacións; a
optimización de páxinas web para gañar visibilidade e debuxo con
Onshape.
En
concreto, este martes 8 impartirase o obradoiro Mellora a túa
Produtividade con Trello e Outras Aplicacións II, no que a
posgraduada en Comunicación e Industrias Creativas Fátima FaÃlde
introducirá outras ferramentas como Evernote, Todoist, Toggl e Slack
para mellorar a produtividade.
O
mércores 9, Adrián Fernández, licenciado en Comunicación
Audiovisual, impartirá Iniciación ao SEO II: Optimiza a túa
Páxina web para Gañar Visibilidade, obradoiro que tratará
sobre os factores externos que afectan ás páxinas web e que inflúen
na súa visualización para despois afondar nas mellores prácticas
SEO.
Para
finalizar, o xoves 10, Debuxo con Onshape, Partstudio IV, onde
Manuel Freire, experto universitario en Robótica e Impresión 3D,
falará deste software de debuxo 3D na nube.