Sherpa estrea versión 2.0 coa vista posta na internacionalización
luns, 25 de marzo do 2013
Sherpa,
a aplicación móbil española que moitos definen como o Siri para Android, que mediante o recoñecemento de voz
permite responder a preguntas, reproducir música, atopar restaurantes e
farmacias, consultar resultados deportivos, informar do estado do tempo,
xestionar a axenda, chamar por teléfono e moitas outras funcións vén de renovarse,
chegando xa á súa versión 2.0, o que supón unha renovación da súa interface de
uso, a integración con LinkedIn e incluso a posibilidade de asignar parentescos
para realizar chamadas ou identificar lugares (casa, traballo...) avanzando
cara a unha maior adaptación ao usuario.
Este asistente de voz non só está a mellorar o seu software, senón que tamén
está a ampliar miras de cara á súa internacionalización, e vén
de conseguir 1,6 millóns de dólares a través un empréstamo participativo
realizado principalmente por business
angels españois, o que permitirá que a empresa poida desembarcar nos EE.UU.
e afrontar unha nova quenda de financiamento a nivel internacional.
Conflito de nomes
Pero o lanzamento norteamericano de Sherpa poderÃa non ser tan doce como serÃa de agardar, pois estes dÃas tamén está a nacer unha aplicación para iPhone chamada Sherpa, que é un asistente persoal preditivo obra de Bill Ferrell, que fora xefe de produto de Google AdWords, e que hoxe mesmo comeza a ver a luz. Agardemos que ao non existir nas mesmas plataformas móbiles non haxa problema entre ambas ferramentas á hora de acudir na procura de financiamento.