Quincemil, un novo medio dixital con acento coruñés
xoves, 11 de abril do 2019
O creador da páxina web de videoxogos Vandal.net vén de iniciar un proxecto conxunto co xornal El Español que supón unha nova aposta polo xornalismo local. Esta publicación dixital, Quincemil, está enfocada a información da provincia da Coruña, e para saber algo máis da mesma falamos con Pablo GrandÃo.
– Durante anos
coñeciamos Vandal.net como a principal páxina web independente de videoxogos en
fala hispana, pero hai pouco tal independencia deixou de ser tal e atopáchedes
acubillo baixo o paraugas dun medio Estatal. Que vos levou a tomar tal decisión
e como foi ese proceso?
Eran moitos anos como independentes, aÃnda que dende o
2010 estiveramos asociados con outro diario nacional, o 20 Minutos. Pero aquelo
era unha asociación comercial, e esta é de tipo empresarial. A decisión foi
para ter unha maior estabilidade e para formar parte dun novo proxecto case
dende o comezo.
– Xa integrado
Vandal en El Español, como xurdiu a idea de crear Quincemil? Estamos ante o que
serÃa a primeira edición galega do xornal dixital estatal ou en cambio este
proxecto cun enfoque diferente?
– A idea xorde anos antes da asociación con el Español,
pero non puiden levala a cabo ata agora. Xorde tras ver o ben que funciona
certo tipo de contido en redes sociais, e ao comprobar que hai moitas cousas
que ocorren na Coruña das que so te decatas por Instagram, ou porque alguén che
conta que o veu en Instagram. As redes
sociais fixeron posibles novas iniciativas nas cidades, e pensamos que tamén
son posibles novos contidos propios de Internet.
– O nome (Quincemil), o logotipo (o reloxo do
Obelisco)... semella toda unha declaración de intencións...
– O que sexa da Coruña coñece moi ben a nosa curiosa
identificación cos códigos postais e como se fan bromas con eles. Escollemos
este nome porque non é xenérico e ten personalidade, e eliximos o Obelisco
porque A Torre de Hércules é o sÃmbolo da cidade para fóra, pero o Obelisco é o
monumento que máis vemos ao longo da semana os que vivimos na cidade.
– A proposta dun
xornal dixital de ámbito local como encaixa na oferta informativa local?
Buscades competir cos medios tradicionais ou con outros medios dixitais? Como
vos diferenciades?
– Polo de agora levamos só uns dÃas e estamos vendo que
funciona, que non, e vendo as cousas acertadas e erradas da nosa visión. Imos
ser un medio máis centrado na vida da rúa e no ocio e a cultura que na
polÃtica. Temos algunhas seccións que imos potenciar moito, como Gastrocoruña, Coruña secreta e Talento
15000, esta última dedicada aos emprendedores. Temos tamén outras ideas que
imos aplicar co paso das semanas.
– Levamos uns
dÃas vendo o que é Quincemil agora,
no que enténdese que é un medio de comunicación en construción, que pouco a
pouco vai collendo forma por dentro (na súa páxina web) e por fóra (nas súas
relacións con buscadores, redes sociais...). PoderÃanos adiantar algún detalle
sobre o rumbo que tomará a publicación dixital nas vindeiras semanas?
– Hai cousas que non estiveron a tempo para o lanzamento,
como o estado das praias, pero por sorte está a chover moito e temos algo de
tempo para preparalo. Temos tamén a aplicación móbil en preparación, e sobre
todo moitas ideas de artigos e de seccións que aÃnda teñen que tomar forma.
Polo de agora imos aprender a traballar xuntos, e o rally de eleccións que vén
agora vai ser unha proba importante. Neste momento non hai máis que 70 artigos
publicados, temos aÃnda moito que escribir.
– Cando
desenvolvades dun xeito máis amplo este proxecto, tedes pensado trasladalo a
outros puntos de Galicia?
– Polo de agora queremos facer que sexa viable na Coruña,
e logo xa veremos como evoluciona o proxecto. Penso que a xente está aberta a
novos medios de comunicación, sempre é bo ter un punto de vista máis.