Presenza galega en Series Mania, o gran festival europeo dos contidos de ficción
luns, 25 de marzo do 2019
O
festival Series Mania, que
xunta no Grand Palais de Lille (Francia) o mellor da produción
europea e mundial de contidos para a TV e as novas plataformas
audiovisuais, vai
contar nesta edición (que abriu as súas portas e mantenas abertas
até o domingo 30) cunha sobranceira presenza galega. Máis polo
miúdo, a das empresas CTV, Ficción Producciones, Intereuropa e
Portocabo. Trátase das catro integrantes da delegación na nosa
terra que impulsou o Cluster Audiovisual Galego.
As
empresas presentarán no festival novos proxectos e celebrarán
xuntanzas para posÃbeis co-producións, amais de achegar a súa
contribución aos debates sobre o estado do sector. Debates que
xirarán en boa medida arredor das posibilidades das TIC para atopar
novos e interesantes xeitos de enriquecer as experiencias dos
espectadores.
O
Clúster Audiovisual tamén lembra que Hierro, serie producida
pola socia Portocabo, Movistar+, ARTE e Atlantique Productions, terá
a súa estrea internacional en Series Mania 2019.
Segundo
informa o CLAG, Series Mania é unha das citas principais da
industria para a busca de coprodución para as series de televisión
de Europa. Haberá conferencias, sesións de pitching de
proxectos e screenings, amais
dun bo número de sesións de networking e o que é, en
palabras do clúster, un dos foros de coprodución máis importantes
do panorama audiovisual europeo: European TV Series Coproduction
Forum.
En
2018 participaron na xuntanza máis de 2.000 profesionais, entre
produtores, canles de TV e creadores. Na presente edición, as
conferencias tratarán sobre temas como as tecnoloxÃas de cadea de
bloques (as tecnoloxÃas blockchain, moi
acaidas para subir novos chanzos en materia de seguridade da
información, neste caso dos contidos que se poñen en liña),
sobre música electrónica, sobre o marco legal europeo, sobre
contidos inmersivos, sobre Realidade Virtual, sobre o potencial das
obras literarias para dar forma a novas series, etc.