O documental A Coruña nos videoxogos, de Iago Gordillo, estréase este 20 de decembro na Rede
venres, 17 de decembro do 2021
Este
luns 20 estréase un documental galego que sen dúbida representa un
fito para dous eidos creativos que loitan por facerse fortes dende a
nosa terra, con múltiples talentos emerxentes das nosas cidades,
vilas e aldeas: o audiovisual por unha banda, e os videoxogos pola
outra. Estamos a falar de A Coruña nos videoxogos, documental
dirixido Iago Gordillo. Poderemos velo a partir do luns na
canle de YouTube de Recuncho Gamer. Este proxecto busca divulgar
a presenza da cidade no puxante panorama das aventuras gráficas.
O
punto de partida argumental é o xogo coruñés The Waylanders,
dos estudios Gato Salvaje. A
través deste proxecto abordarase a representación da Torre
de Hércules desde un punto de vista da cultura celta e na Idade
Media e botarase luz sobre a importancia da arquitectura, o urbanismo
e as infraestruturas da Coruña a través do City Skylines, o
Euro Truck Simulator 2 ou o Microsoft Flight Simulator.
Tamén terá espazo o Deportivo e o Estadio de Riazor.
En
definitiva, máis dunha decena de xogos nos que aparece A Coruña
teñen lugar neste documental con entrevistas ás propias
desenvolvedoras como Laksmy Irigoyen de Gato Studio, o modelador
Armesto3D e a historiadora Ana Romero Masiá.
O
proxecto, apoiado polo Concello de A Coruña dentro da liña de
axudas a creación artÃstica, abéirase ao labor de divulgación en
galego sobre videoxogos que realiza a canle Recuncho Gamer dirixida
por Iago Gordillo, canle recentemente recoñecida co Premio Pioneira
nos Premios Youtubeiras 2021.
Iago
Gordillo (Carral, 1986) é realizador audiovisual con experiencia no
ámbito da radio, música e da creación audiovisual de contido
dixital. Actualmente dirixe e coordina Recuncho Gamer, o primeiro
portal audiovisual en galego sobre videoxogos, ademais de traballar
en series web como Galicia Crime e Dinosaurio (gañadora
e finalista nos Mestre Mateo) e tamén compuxo bandas sonoras para
videoxogos premiados a través do proxecto Diariodeverano.