O Museo do Pobo Galego celebra en YouTube o seu festival de Máscaras Tradicionais
martes, 9 de febreiro do 2021
O
Museo do Pobo Galego segue adiante
coa súa programación, adaptándoa
ás novas contornas dixitais,
e convoca unha
edición online
das xornadas
de
Máscaras
Tradicionais
de Entroido,
que se
desenvolven
os días
11, 12 e 16 de febreiro ás 19.00 horas a través da canle
de YouTube
da institución.
Nun
ano tan diferente coma este, o Museo quere recoller o seu carácter
catártico e dar a coñecer outras máscaras da península ibérica a
través do seu soporte dixital. Así, haberá un percorrido que irá
dende Podence (Trás-Os-Montes, Portugal) a Toén (Ourense), pasando
por Riofrío de Aliste (Zamora).
O
11 de febreiro celebrarase a primeira xornada que xirará arredor
dos Caretos
de Podence. Nela intervirá Antonio José Valente Carneiro,
presidente e fundador da Asociación
Grupo de Caretos de Podence.
A continuación, o 12 de febreiro realizarase unha viaxe virtual a
Riofrío
de Aliste para
coñecer aos Carochos ou Zangarrones
da man de Juan
Francisco Blanco,
autor do libro Los
Carochos. Rito y tradición en Aliste e Rubén
Gago,
membro da Asociación
Amanecer.
A última xornada será o 16 de febreiro e estará dedicada
ao entroido
de Mugares coas figuras dos Labardeiros e Señoritas.
Nesta actividade participarán Ángeles
Iglesias DaSilva,
presidenta da Asociación de Mulleres Rurais Amencer, e Rosa
María Feijoo Rebollo,
Concelleira de Cultura de Toén.