Microsoft publica os seus resultados financeiros do segundo trimestre do ano
xoves, 19 de xullo do 2012
- Ballmer adiantando detalles do novo Office durante un evento que tivo lugar esta mesma semana
Microsoft anunciou hoxe que durante o segundo trimestre de
2012 conseguiu
uns ingresos de 18.059 millóns de dólares, o que supón todo un record para tal período do ano,
aínda que tamén rexistrou un resultado operativo de 192 millóns de dólares e
unhas perdas por acción de 0,06 dólares. Este pequeno atranco parece ser un
punto de inflexión que respondería a certos axustes contables e que poderían
esquecerse rapidamente se atendemos ao feito de que, en palabras de Steve
Ballmer, están ante “a tempada de
lanzamentos máis excitante da historia de Microsoft”, pois durante os
vindeiros meses van lanzar novas versións de Windows, Office, Windows Server,
Windows Phone e moitos outros produtos e servizos.
Se deixamos a un lado a anécdota do resultado negativo trimestral teriamos que
Microsoft conseguiu rematar o ano fiscal cuns 73.723 millóns de dólares de
ingresos, 21.763 millóns de dólares como resultado operativo positivo e un
incremento por acción de 2 dólares. Un bo ano para Microsoft que promete
mellorar no exercicio seguinte.
