Medran as vendas de móbiles intelixentes até nun 42%
martes, 15 de novembro do 2011
Semella que o mercado dos móbiles medra en
intelixencia. Con isto non queremos dicir que teñamos cada vez máis tino á hora
de facernos cun novo dispositivo, aÃnda que pode que asà sexa, senón que os teléfonos
intelixentes incrementan con cada dÃa que pasa a súa presenza, e, dentro deles,
os que dan acubillo ao sistema Android. Segundo informa a consultora tecnolóxica
Gartner e reflicte Axencia EFE, as vendas deste aparellos en xeral no mundo
medraron nun 42% no terceiro trimestre do ano respecto ao mesmo perÃodo anterior,
ou sexa que falamos xa de 112 millóns de trebellos, representado máis da cuarta
parte das vendas totais destes dispositivos.
Como dixemos, o informe apunta a que son os móbiles
intelixentes con sistema operativo libre Android acadan os mellores números,
con 60,4 millóns mercados a nivel mundial e unha cota de mercado do 52,5%, o
que representa o dobre do acadado hai exactamente un ano. En segundo lugar
temos a Nokia co seu sistema Symbian, que baixou a súa cota dende o 36,3% ao
16,9%. Polo que atinxe a Apple, vendeu 17,2 millóns de móbiles intelixentes co
seu propio sistema operativo, o que quere dicir que non obtivo resultados tan
positivos, xa que experimentou unha redución de 1,6 puntos (até o 15%) na súa
cota de mercado. Despois figuran os Blackberry, que acadaron unha cota do 11%,
4,4 puntos menos que hai un ano.