Los Caballeros del Zodíaco terá xogo para PS3 en febreiro

luns, 19 de setembro do 2011 Marcus Fernández

Os seguidores máis fieis de Los Caballeros del Zodíaco poderán revivir as primeiras aventuras de Seiya e os seus amigos nun novo xogo para PlayStation 3 que chegará a Europa en febreiro de 2012, e que será un hack and slash que permitirá que os Cabaleiros de Bronce de Pegado, Dragón, Cisne, Andrómeda e Fénix enfróntense a numerosos inimigos podendo incluso revivir os míticos enfrontamentos contra os Cabaleiros de Ouro.
Saint Seiya: Sanctuary Battle terá así dende combates multitudinarios nos que abater a ducias de inimigos ao mesmo tempo ata combates contra os mencionados Cabaleiros de Ouro (que tamén poderán manexarse, para desatar todo o poder das armaduras de ouro contra os nosos contrincantes).
Para poder coñecer mellor o que ofrecerá este xogo (que cando menos no Xapón será posible adquirilo en versión limitada coa figura dalgún dos personaxes) durante a pasada edición do Tokyo Game Show publicaron un espectacular trailer:

Saint Seiya: Sactuary Battle recuperará os clásicos enfrontamentos entre os Cabaleiros de Bronce e os de Ouro
Aparte dos clásicos Cabaleiros de Bronce, no xogo tamén poderemos tomar o papel dos Cabaleiros de Ouro