Libon anuncia Reach Me, servizo para gozarmos de chamadas de calidade dende Wi-Fi
mércores, 4 de marzo do 2015
Os responsábeis da
aplicación Libon presentaron no
Mobile World Congress en Barcelona unha
tecnoloxía que permite facer chamadas nas mellores condicións
posíbeis a través de Wi-Fi e co obxectivo de complementar a
cobertura móbil. O servizo, que aínda non está dispoñíbel
(chegará
a finais deste mes ou en abril), chámase Reach Me, e como é de
supoñer constitúe unha especie de salvavidas para que eses
intres en que queremos contactar con alguén vía móbil e a rede
está caída ou non chega para dar bo servizo. Iso si, Reach Me bota
man do Wi-Fi en troques do GSM. Libon estará accesíbel nun primeiro
intre para os usuarios de Android.
Segundo apunta a empresa
responsábel, a razón de ser desta tecnoloxía está nas propias
demandas dos usuarios de Libon, que desexaban poder realizar e
recibir chamadas a través do seu móbil mesmo cando están sen
cobertura. “Reach Me”, sinalan fontes de Libon, “é a resposta
a esta necesidade, utilizando a rede Wi-Fi para ofrecer ao usuario
unha experiencia de voz excepcional, e a través do propio número de
teléfono dos clientes”.
Reach Me, por certo,
únese a unha listaxe de opcións de comunicación avanzadas
dispoñíbeis para os usuarios de Libon que inclúe saúdos
personalizados con mensaxes de voz para cada contacto ou grupos,
chamadas gratis de alta calidade entre os usuarios de Libon,
mensaxería instantánea e packs de minutos a prezos económicos para
chamar a destinos nacionais e internacionais.
Lembrar que Libon é unha
aplicación de comunicación gratis de Orange e está dispoñible
para iOS e Android en todo o mundo. Funciona como unha aplicación
Telco-Over-the-Top (OTT), ou sexa sque o servizo funciona con
independencia da rede móbil que o usuario ten activada.