Jorge Peteiro impartiu un obradoiro de pintura en Nintendo DS
martes, 17 de agosto do 2010
Durante a xornada
de hoxe a sede da Fundación Caixa Galicia sita no Cantón Grande de A Coruña
acolleu un curso de pintura impartido polo artista
coruñés Jorge Peteiro, quen explicou
o funcionamento do programa Art Academy
para a consola de videoxogos Nintendo DS, repasando
conceptos básicos coma o volume, as cores e os diferentes trazos para poder
afrontar a creación dun cadro, coa grande vantaxe de que coa consola de
videoxogos non hai problemas económicos de cara á adquisición de materiais coma
os lenzos ou a pintura, que son virtuais.
O programa Art Academy xa inclúe un
titorial con 10 clases mestras que cubre os temas tratados por Peteiro, de
xeito que os aspirantes a artistas que non puideran asistir a esta xornada,
poderán introducirse nesta oportunidade creativa pola súa conta.