Gradiant e Energylab gañan o reto 4.0 de Cofrico en Galicia Open Future
martes, 11 de febreiro do 2020
O
desafío
mandando pola empresa Cofrico ao abeiro do centro de
crowdworking de Telefónica na nosa terra, Galicia
Open Future, xa teñen gañadores. Trátase
dos centros tecnolóxicos Gradiant e Energylab, cuxa proposta
permitirá automatizar e simplificar o mantemento intelixente e
preditivo dos sistemas de eficiencia enerxética devandita firma
lucense de refrixeración e climatización. De feito, o desafío
consistía en convidar ao sector galego (empresas, entidades, centros
tecnolóxicos, etc) a achegar solucións para mellorar a interacción
entre as plantas industriais de Cofrico, que ten sedes en Burela,
Bergondo e O Porriño.
A
proposta conxunta de Gradiant e Energylab foi seleccionada entre as
10 propostas finalistas para dotar a Cofrico dunha solución que
optimizase o traballo conxunto das súas diferentes instalacións e
avanzar no seu proceso de transformación dixital cara a Industria
4.0, facendo máis eficiente a análise dos datos xerados na súa
planta de clientes, algo que segundo Gradiant resultaba “altamente
complexo nestes momentos” dado que “o sistema aliméntase de
distintas fontes de datos que proveñen de diferentes equipos
instalados”.
Durante
os próximos meses Gradiant e Energylab desenvolverán o piloto coa
empresa lucense, contando co apoio da Axencia Galega de Innovación
(GAIN). Ademais, participarán nun programa de aceleración integrado
no ecosistema Open Future de Telefónica.
En
palabras de Antía Fernández, codirectora de Sistemas Intelixentes
en Gradiant, a solución achegada polos dous centros tecnolóxicos é
un xeito de apostar pola convivencia entre sistemas antigos e novos:
“Este proxecto é un exemplo da aplicación de capacidades de
conectividade e intelixencia a PLCs e maquinaria pre-existentes,
poñendo en xogo importantes compoñentes de sustentabilidade,
análise automática e prescrición de accións para permitir máis
eficiencia a Cofrico”. Segundo engade, “este proxecto supón un
referente de innovación aberta, ademais da participación no
programa Galicia Open Future, consolida unha colaboración entre os
dous centros tecnolóxicos: Energylab e Gradiant”.
Cofrico
expuxo o reto dentro do programa Galicia Open Future para converter a
súa plataforma de Industria 4.0 (Cofriview365) nun software de
mantemento intelixente, con ampla marxe para traballar en clave
preditiva e con sistemas de Intelixencia Artificial que fagan
evolucionar as súas funcionalidades, partindo do desafío que supón
a dificultade na lectura e monitoraxe dos datos.
Gradiant
incorporará ao proxecto tecnoloxías de análise de datos e Internet
of the Things (IoT) para capturar e identificar os sinais
descoñecidos que reciben os equipos de Cofrico, saber a que tipo de
dispositivo están conectadas, coñecer a tipoloxía da sonda
(presión, temperatura, etc.) e interpretar os valores que envían
para automatizar a xestión dos datos. Pola súa banda, Energylab
incorporará o seu coñecemento en enerxía para pór en valor e
liquidar as necesidades de eficiencia enerxética que sofre Cofrico.
Coa
súa participación na edición Retos Industria 4.0, Cofrico súmase
ao grupo de grandes empresas galegas (formado por Pescanova, Finsa,
Coren e CITIC Censa) que até o momento lanzaron retos dirixidos a
emprendedores, startups, PEME e organismos de investigación
de todo o mundo, a través do programa Galicia Open Future de
Telefónica.