Coruña Bloggers celebrará o seu terceiro aniversario a semana que vén
luns, 20 de maio do 2019
Os encontros mensuais de Coruña Bloggers perderon a súa
periodicidade hai uns meses, de xeito que as
súas últimas dúas edicións tiveron lugar en novembro no marco da Mobile Week Coruña,
e agora preparan o seu retorno, e o
dÃa 29 de maio ás 19:30 horas celebrarán a súa edición número 22 na Fundación
Barrié.
Este encontro, que servirá como terceiro aniversario de Coruña Bloggers, ten xa
aberta a súa inscrición
de balde, e como vén a ser habitual, prégase aos asistentes que acudan á cita
cun mÃnimo de 1 quilogramo de alimentos non perecedoiros que entregaranse á Cociña
Económica. Até o momento esta iniciativa achegou uns 2.475 quilogramos de
alimentos.
Nesta ocasión o evento botará a andar cun relatorio de José
Nogueira, avogado que dirixe Sistemius, e que afondará no marco legal en
negocios dixitais, para que os asistentes poidan coñecer de primeira man a
información legar que deben ter as súas páxinas web ou como poden realizar
captacións de datos dun xeito válido. Tamén abordará temas como a
responsabilidade dos contidos das páxinas web, aspectos legais a ter en conta
na venda en liña ou como xestionar os dereitos de imaxe, plaxio de contidos...
Diana Pardo Varela
collerá o relevo para impartir un obradoiro sobre LinkedIn como unha plataforma
dende a que situarse no foto de oportunidades profesionais a través do storytelling. Explicará 3 erros que non
deben cometerse nesta plataforma social profesional e exporá 10 chaves sobre
esta rede.