Correos Express botou man da intelixencia artificial para aumentar os repartos na nosa terra
luns, 21 de xaneiro do 2019
Correos
Express quere marcar as diferenzas con respecto á cada vez máis
dura competencia, e para conseguilo está a botar man de diversas
innovacións tecnolóxicas, medio-ambientais e de mobilidade. Por
exemplo o seu Sistema de Xestión Dinámica, unha ferramenta baseada
en IA (Intelixencia Artificial) que optimiza todo o proceso de
reparto de paquetes, dende a recepción e clasificación dos mesmos
até a súa xestión e entrega. Segundo informa a compañía, o
emprego deste recurso (entre outras medidas) valeulle para conseguir
récords importantes nunha chea de cidades. En Vigo, sen ir máis
lonxe, repartíronse máis de 630.000 paquetes ao longo de todo 2018,
“o que supón un incremento do 37% con respecto ao ano anterior”.
Esta
suba foi especialmente marcada durante a campaña de Nadal, na que se
incrementaron as rutas nun 42% “para dar resposta ao aumento da
demanda”.
A
nivel estatal, a compañía foi quen de acadar importantes como, por
exemplo, ter movidos máis de 5 millóns de envíos mensuais cunha
calidade superior ao 93% en toda España durante as campañas de
Black Friday, Blue Monday, Nadal e Reis. Isto supón unha mellora de
4,4 puntos respecto ao mesmo período do ano anterior. Amais, dende o
inicio da devandita campaña (unha campaña en catro tempos), Correos
Express ampliou máis de 1.000 novas rutas, aumentando un 15% as
rutas realizadas a través do proxecto MARES (Medios Alternativos de
Repartición Ecolóxica e Sustentable en toda España), e un 14% nos
percorridos da zona.
Por
outra banda, tamén houbo unha forte aposta a prol da mobilidade
sustentábel, incrementándose a frota de vehículos non
contaminantes, bicicletas eléctricas e backpackers, o que
significou unha importante marxe de eficiencia e deixar de emitir á
atmosfera máis de 800.000 quilogramos de C02, o que equivale ao aire
limpo que xeran 17.499 oliveiras.
Como
dixemos, un dos recursos principais da compañía é o seu exclusivo
Sistema de Xestión Dinámica, desenvolvido pola empresa en base ás
novas metodoloxías de Intelixencia Artificial e co obxectivo de
optimizar procesos, desde a recepción e clasificación dos paquetes
até a súa xestión e entrega. Segundo informa Correos, a ferramenta
permite situar o 97% da mercadoría e “achega máxima eficiencia e
eficacia ao procedemento”, mellorando o control de todos os envíos
e maila súa rastrexabilidade en itinerario Ademais, engade, “ofrece
axuda e asistencia aos repartidores, máxima transparencia para os
clientes e destinatarios e optimiza a xestión de incidencias”.
O
sistema é un desenvolvemento tecnolóxico propio de Correos Express
baseado na súa experiencia na operativa e a entrega na última
milla. A compañía destaca a súa capacidade para ser exacto ao cen
por cen en materia de rastrexabilidade e localización e en materia
de optimización de rutas (aumenta con flexibilidade a capacidade de
reparto, en base ás puntas de demanda, e axuda aos repartidos a que
poidan cumprir os seus obxectivos de entrega sen problemas).
Amais,
na súa arela de ofrecer “un servizo 360º”, Correos Express
desenvolveu para os clientes unha aplicación móbil que lles axuda a
xestionar os seus envíos, as súas recollidas e solucionar as súas
incidencias desde calquera dispositivo e lugar. “A ferramenta
resulta especialmente útil para pequenas empresas e microPEME”,
sinala Correos, que lembra que está dispoñíbel tanto na Play Store
para Android como para iOS.