Anuncian a edición especial de Bayonetta
martes, 10 de novembro do 2009
AÃnda que o agardado Bayonetta chegue a Europa máis tarde que
ao Xapón (onde está a liderar as vendas pese a que só está dispoñible para Xbox
360 e PlayStation 3), dende SEGA confirman que no Reino Unido, en Francia, en
Australia e en
España contaremos unha edición especial do xogo que incluirá coma
contidos adicionais un fermoso libro de ilustracións e un disco coa banda
sonora, que inclúe 6 temas (One Of A Kind,
Riders Of The Light, Battle For The Umbra Throne, Theme Of Bayonetta – Mysterious Destiny,
The Old City Of Vigrid e The Gates Os Hell) obra dos mestres
Hiroshi Yamaguchi e Masami Ueda, contando coa voz de Helena Noguerra no tema
principal e coa trompeta de Yohei Ichikawa na última pista.
O lanzamento do xogo está previsto para o 8 de xaneiro, agardándose que o prezo
da súa edición normal sexa duns 65 euros, quedando por anunciarse o
correspondente á edición de coleccionista.
Anuncio televisivo de Bayonetta no Xapón