Xiaomi anuncia que terá distribución oficial en España
martes, 7 de novembro do 2017
Chegou a data esperada por moitos seareiros da marca chinesa
Xiaomi en España para o desembarco oficial da compañÃa no noso mercado, o que
finalmente foi moito máis aló dunha apertura dunha tenda en Madrid, xa que
xunto ás Mi Stores tamén chegan a España a Mi Community e incluso unha versión en español de mi.com.
Para dar lexitimidade a esta apertura estivo presente Xiang Wang,
vicepresidente senior de Xiaomi Global, quen realizou unha presentación que
puido verse en directo a través de
YouTube e Facebook Live, para dar conta dos terminais móbiles que porán á
venda en España, que son máis dos que podiamos esperar inicialmente, xa que,
aparte do Redmi Note 4, o Redmi 5A, o Redmi 4A, o Redmi 4X, o Mi 6 e o Mi MIX 2, confirmouse que
finalmente o móbil máis perseguido do fabricante chinés, o Mi A1, estará
dispoñible no nos mercado a partires de mañá a un prezo de 229 euros.
Lembremos que o Mi A1 é o primeiro smartphone de Xiaomi con Android One, ou
sexa, cun sistema operativo de Google sen capa de personalización chinesa (e
con actualizacións de seguridade de Google), polo que resulta moi atractivo
para os que non gustan de MIUI (versión de Android personalizada por Xiaomi).
Este terminal vén equipado con 4 GB de RAM, 64 GB de almacenamento interno,
procesador Qualcomm Snapdragon 625, pantalla Full HD de 5,5 polgadas e dobre
cámara traseira de 12 MpÃxeles, de xeito que é unha das opcións máis asumibles
no mercado para acceder ao popular modo
retrato que puxo de moda o iPhone 7 Plus.
No que se refire á venda de terminais, Xiaomi non se limitará ás dúas tendas que
o vindeiro sábado abren en Madrid, senón que tamén pasará a distribuÃr a través
de Ingran Micro e AliExpress, ou sexa, que AliExpress terá tenda oficial de
Xiaomi para España, aÃnda que tamén será posible adquirir moitos dos seus
móbiles en Amazon, Carrefour, MediaMart e Phone House.
Outros produtos que achegará oficialmente Xiaomi a España serán a popular Mi
Band 2 (pulseira de actividade que poderemos mercar por 24,99 euros), a Mi
Electric Scooter (por 349,99 euros), a Mi Box (por 74,99 euros) e a Mi Action
Camera 4K (por 134,99 euros).
- Xiaomi tamén venderá en España produtos que van máis aló dos seus smartphones
VÃdeo coa presentación en directo de Xiaomi en España