Xa se pode encargar a consola portátil aberta Pandora

A consola de videoxogos Pandora, que pretende ser unha alternativa aberta á PSP e á Nintendo DS (seguindo os pasos doutras plataformas portátiles como a GP32, a GP2X ou a Zodiac), finalmente xa se pode encargar, de xeito que os usuarios que a reserven poderán facerse cunha das primeiras 3.000 unidades que entraron en produción.
A nova consola portátil funciona cun procesador ARM a 600 MHz, capacidade gráfica 3D, unha pantalla de 4,3 polgadas cunha resolución de 800 x 480 píxeles, Wi-Fi, lector de tarxetas SDHC, saída de televisión, teclado QWERTY, porto USB e controis de xogo analóxico/dixitais. Contará cunha autonomía dunhas 10 horas e aínda que a súa comercialización parece estar retrasándose (agardábase para primeiros do verán) finalmente se fará unha realidade e non engrosará as filas do vaporware ao que cada día estamos máis afeitos.
Por desgraza, esta consola ten un prezo bastante prohibitivo, pois nun primeiro momento se venderá a 249,99 euros, superando por moito ás consolas portátiles comerciais e especialmente á popular GP2X (que na actualidade se vende por 99,95 euros).