World of Speed, un novo xogo free-to-play para PC

Slightly Mad Studios anunciou World of Speed, un novo xogo de condución chegará baixo a fórmula do free-to-play pese a ser un título de elevada factura que facilitará a competición en liña masiva de balde, con grandes vehículos e circuítos repartidos por todo o mundo, reflectindo rúas de cidades reais como Londres, Mónaco e Moscova.
World of Speed permitirá gozar de numerosos modos de xogos onde competir por equipos determinará a vitoria, non chegando con ser o primeiro en superar a liña de meta para gañar. Os equipos poderán formarse entre amigos e con outros xogadores, contando con logotipos personalizados e garaxes que actúan como punto de encontro para relacionarse.

Pese a estarmos ante un título free-to-play, amosará un nivel gráfico moi elevado

Con este título Slightly Mad Studios quere demostrar que é posible gozar de gráficos de alta definición e grande detalle nun xogo masivo en liña, incluso sendo posible descargar e xogar a este xogo sen gastar un can, comprometéndose o seu estudio de desenvolvemento a publicar actualizacións periódicas para engadir coches, pistas, modos de xogo e moito máis durante os vindeiros anos. En breve estrearase unha versión de proba desde xogo para PC (sendo posible inscribirse na súa beta dende a súa páxina web oficial).