Vodafone permite as chamadas Wi-Fi en España

Aínda que a cobertura da telefonía móbil é bastante boa por onde nos movemos habitualmente, hai vivendas e centros de traballo que teñen espazos que son auténticos puntos negros de cobertura, e para solucionar este problema unha das solucións máis prácticas é aproveitar a rede Wi-Fi para facer chamadas de voz facendo uso da tecnoloxía VoWiFi.
Con esta tecnoloxía, se temos un smartphone compatible podemos realizar e recibir chamadas ser cobertura móbil, e coa calidade de chamadas de voz ordinarias, xa que a comunicación complétase a través da rede telefónica da operadora e non funciona como unha chamada de voz sobre IP como as que podemos realizar con aplicacións móbiles.
Até o momento en España ofrecían chamadas Wi-Fi operadores como Orange e Movistar, aos que agora únese Vodafone, de xeito que por fin é posible activar esta función dispoñible en moitos smartphones, que permite realizar chamadas de voz ordinarias (coas condicións da nosa tarifa actual) valéndonos da conexión á Rede a través de Wi-Fi.