Vodafone e Yoigo traen a España o Huawei Ascend G300

O novo smartphone de gama media de Huawei con Android 2.3, o Huawei Ascend G300, chega a España en condicións bastante vantaxosas a través de varios operadores, de xeito que os usuarios de Vodafone con tarifas por talles poden facerse co este móbil por 0 euros a partir do talle @S (mentres que con @XS custaría 29 euros e con @XS8 tería un prezo de 79 euros) mentres que Yoigo permite adquirilo por 159 euros nun pagamento único ou por 69 euros + 18 pagamentos mensuais de 5 euros.
O Huawei Ascend G300 funciona cun procesador Qualcomm Snapdragon S1 a 1 GHz con gráfica Adreno 200, 512 Mb de RAM, 2 Gb de almacenamento interno (ampliable mediante tarxetas microSD de ata 32 Gb), pantalla IPS de 4 polgadas cunha resolución de 480 x 800 píxeles, cámara de 5 Mpíxeles con flash LED, batería de 1.500 mAh, unhas medidas de 122,5 x 63 x 10,5 milímetros e 140 gramos de peso.