Vodafone TV integra Filmin a prezo reducido
luns, 24 de outubro do 2022
Para celebrar o 15 aniversario de Filmin veñen de pechar un
acordo con Vodafone España de xeito que a
plataforma de cine en streaming pasa a incorporarse a Vodafone TV dentro do
Pack
Más Cine, que tamén inclúe Canal Hollywood, Dark, Sundance TV, Somos e
TCM entre outras canles, por un prezo de 5 euros/mes, o que supón unha
magnífica oferta, xa que subscribirse a Filmin fóra de Vodafone TV ten un custo
de 7,99 euros/mes.
Vodafone TV consolídase así como un dos agregadores de cine e series máis
completo do mercado español (xa que tamén integra HBO Max, Disney+, Amazon
Prime Video, Eurosport, AMC+, AXN Now, COSMO ON, FOXNOW, TNT Now, Netflix,
ATRESplayer Premium e Mitele) e grazas ao acordo con Filmin poderá achegar
nestas datas grande títulos como a premiada Drive My Car, o documental
producido por Filmin Oswald: el falsificador, Vortex, Tenéis
que venir a verla, Cinco lobitos ou The Kingdom Exodus, así
como grandes clásicos como Desayuno con diamantes, Memorias de África,
El Dorado, Tootsie, La jauría humana, Un hombre para la
eternidad ou Rojos.